८ जून

घटना:

२००४ - आधुनिक काळातील शुक्राचे (सूर्यावरुन) पहिले अधिक्रमण झाले. याआधीचे अधिक्रमण १८८२ या वर्षी झाले होते.

१९६९ - लष्करप्रमुख म्हणून सॅम माणेकशा यांची नियुक्ती. त्यांच्या नेतृत्त्वाखाली भारताने पाकिस्तानचा पराभव करुन बांगलादेश मुक्त केला. त्यानंतर त्यांना फील्ड मार्शल हे सर्वोच्चम लष्करी पद देण्यात आले.

१९५३ - कृष्णवर्णीयांना हॉटेलमधे सेवा नाकारण्यास अमेरिकन सर्वोच्च न्यायालयाने बंदी घातली.

१९४९ - जॉर्ज ऑर्वेलची ’१९८४’ ही कादंबरी प्रसिद्ध झाली

१९४८ - ’एअर इंडिया’ची मुंबई - लंडन विमानसेवा सुरू झाली.

१९४१ - दुसरे महायुद्ध – दोस्त राष्ट्रांनी सीरीया व लेबानॉन पादाक्रांत केले.

१९१८ - नोव्हा अॅयक्विमला या सर्वाधिक तेजस्वी तेजोमेघाचा शोध

१९१५ - लोकमान्य टिळकांनी मंडालेच्या तुरुंगात असताना लिहुन पूर्ण केलेल्या ’गीतारहस्य’ या ग्रंथाचे गायकवाडवाड्यात प्रकाशन झाले.

१९१२ - कार्ल लेम्ले यांनी ’यूनिव्हर्सल पिक्चर्स’ या कंपनीची स्थापना केली.

१७१३ - मुघलांनी १६८९ मधे जिंकलेला रायगड किल्ला पंतप्रतिनिधी यांनी सिद्दीकडुन राजकारणाने जिंकुन घेतला.

१७०७ - औरंगजेबाच्या मृत्यूनंतर मुअज्जम आणि आझमशाह या त्याच्या दोन मुलांमधे दिल्लीच्या तख्तासाठी युद्ध झाले. यात मुअज्जमने आझमशाहला ठार करुन दिल्लीची गादी बळकावली.

१६७० - पुरंदरच्या तहात गमावलेला रोहिडा किल्ला शिवाजी महाराजांनी परत जिंकून घेतला.


जन्म :

१९५७ - डिंपल कपाडिया – अभिनेत्री

१९३२ - रे इलिंगवर्थ – इंग्लिश क्रिकेटपटू

१९२१ - सुहार्तो – इंडोनेशियाचे दुसरे राष्ट्राध्यक्ष

१९१७ - गजाननराव वाटवे – गायक व संगीतकार

१९१० - दिनकर केशव तथा ’दि. के.’ बेडेकर – लेखक, तत्त्वचिंतक व समीक्षक



मृत्यू :

१९९५ - राम नगरकर – विनोदी नट. 

१८४५ - अँड्र्यू जॅक्सन – अमेरिकेचे ७ वे राष्ट्राध्यक्ष

१८०९ - थॉमस पेन – अमेरिकन विचारवंत, राजकारणी आणि क्रांतिकारक

१७९५ - लुई (सतरावा) – फ्रान्सचा राजा

  ६३२ - मुहम्मद पैगंबर – इस्लाम धर्माचे संस्थापक