१४ ऑक्टोबर

घटना:

१९९८ - विख्यात अर्थशास्त्रज्ञ अमर्त्य सेन यांना नोबेल पुरस्कार जाहीर

१९८२ - अमेरिकेचे राष्ट्राध्यक्ष रोनाल्ड रेगन यांनी अमली पदार्थांविरुद्ध युद्ध पुकारले.

१९८१ - अन्वर साद्त यांच्या हत्येनंतर एक आठवड्यानी उपराष्ट्राध्यक्ष होस्नीध मुबारक यांची इजिप्तचे अध्यक्ष म्हणून निवड झाली.

१९५६ - डॉ. बाबासाहेब आंबेडकर यांनी आपल्या सुमारे ३,८०,००० अनुयायांसह दीक्षाभूमी, नागपूर येथे बौद्ध धर्मात प्रवेश केला.

१९४७ - चार्ल यॅगर या वैमानिकाने X-1 या विमानातून पहिले यशस्वी स्वनातीत (ध्वनीपेक्षा जास्त वेगाने) उड्डाण केले. याआधी मानवरहित उड्डाणे झाली होती.

१९३३ - राष्ट्रसंघातुन (League of Nations) नाझी जर्मनीने अंग काढुन घेतले.

१९२० - ऑक्सफर्ड विद्यापीठातील पदवी अभ्यासक्रमास स्त्रियांना प्रवेश देण्यास सुरुवात झाली.

१९१२ - मिलवॉकी, विस्कॉन्सिन येथे निवडणूक प्रचाराचे भाषण करत असताना अमेरिकेचे माजी राष्ट्राध्यक्ष थियोडोर रूझवेल्ट यांच्यावर जॉन श्रॅन्क या वेडसर इसमाने खूनी हल्ला केला. गोळी लागून रक्तस्राव होत असतानाही रूझवेल्ट यांनी आपले भाषण पूर्ण केले.


जन्म :

१९५५ - उस्ताद शाहिद परवेझ – इटावा घराण्याचे सतारवादक

१९३६ - सुभाष भेंडे – लेखक

१९३१ - निखिल बॅनर्जी – मैहर घराण्याचे सतारवादक

१९२७ - रॉजर मूर – जेम्स बाँडच्या भूमिकांसाठी प्रसिद्ध इंग्लिश अभिनेता

१९२४ - वीरेन्द्रकुमार भट्टाचार्य – ज्ञानपीठ पुरस्कार विजेते आसामी साहित्यिक

१८९० - ड्वाईट आयसेनहॉवर – अमेरिकेचे ३४ वे राष्ट्राध्यक्ष

१८८२ - इमॉन डी व्हॅलेरा – आयर्लंड प्रजासत्ताकाचे पहिले राष्ट्राध्यक्ष 

१७८४ - फर्डिनांड (सातवा) – स्पेनचा राजा

१६४३ - बहादूरशाह जफर (पहिला) – मुघल सम्राट

१५४२ - अकबर – तिसरा मुघल सम्राट


मृत्यू :

२०१३ - मोहन धारिया – केन्द्रीय मंत्री व सामाजिक कार्यकर्ते

२००४ - दत्तोपंत ठेंगडी – स्वदेशी जागरण मंच, भारतीय मजदूर संघ व भारतीय कामगार संघ यांचे संस्थापक

१९९९ - ज्यूलिअस न्येरेरे – टांझानियाचे पहिले राष्ट्राध्यक्ष

१९९८ - डॉ. भालचंद्र पंढरीनाथ बहिरट – वारकरी संप्रदायाचे अभ्यासक व संशोधक

१९९७ - हेरॉल्ड रॉबिन्स – अमेरिकन कादंबरीकार

१९९४ - सेतू माधवराव पगडी – इतिहासकार, विचारवंत, संशोधक, लेखक, वक्ते, तत्त्वचिंतक, समीक्षक, इतिहासाचे भाष्यकार, कार्यक्षम मुलकी अधिकारी, प्रशासक, ’गॅझेटियर्स’चे संपादक असे विविधांगी पैलू असलेले व्यक्तिमत्त्व.

१९९३ - लालचंद हिराचंद दोशी – वालचंद उद्योगसमूहाचे अध्यक्ष, पद्मश्री (१९९२)

१९५३ - रघुनाथ धोंडो तथा र. धों. कर्वे – विचारवंत, महर्षी धोंडो केशव कर्वे यांचे ज्येष्ठ पुत्र

१९४७ - साहित्यसम्राट नरसिंह चिंतामण तथा ’तात्यासाहेब’ केळकर – लोकमान्य टिळक तुरुंगात असल्यामुळे त्यांनी १८९७ पासून ‘केसरी‘ व ‘मराठा‘चे संपादन केले. कायदेमंडळाचे सभासद, साहित्यिक

१९४४ - एर्विन रोमेल – जर्मन सेनापती

१९१९ - जॉर्ज विलहेम फॉन सिमेन्स – जर्मन उद्योगपती