२ ऑक्टोबर

घटना:

२००६ - निकेल माइन्स, पेनसिल्व्हानिया येथे चार्ल्स कार्ल रॉबर्ट्सने आमिश शाळेत पाच शाळकरी मुलींना गोळ्या घालून ठार मारले व नंतर आत्महत्या केली.

१९६९ - महात्मा गांधींच्या जन्मशताब्दीचे औचित्य साधून त्यांची प्रतिमा व सही असलेल्या २, ५, १० व १०० रुपयांच्या नोटा रिझर्व्ह बँकेने जारी केल्या.

१९६७ - थरगुड मार्शल हे अमेरिकन सर्वोच्च  न्यायालयाचे पहिले कृष्णवर्णीय न्यायाधीश बनले.

१९५८ - गिनीला (फ्रान्सपासुन) स्वातंत्र्य मिळाले.

१९५५ - पेरांबूर येथे ’इन्टिग्रल कोच फॅक्टरी’ सुरू झाली

१९२५ - जॉन लोगी बेअर्ड याने पहिल्या दूरदर्शन संचाचे प्रात्यक्षिक दाखवले.

१९०९ - रमाबाई रानडे यांनी पुणे सेवासदन सोसायटीची स्थापना केली.


जन्म:

१९७१ - कौशल इनामदार – संगीतकार व गायक

१९६८ - याना नोव्होत्नां – झेक लॉन टेनिस खेळाडू

१९४८ - पर्सिस खंबाटा – अभिनेत्री, मॉडेल आणि लेखिका

१९४२ - आशा पारेख – चित्रपट अभिनेत्री

१९२७ - पं. दिनकर कैकिणी – शास्त्रीय गायक

१९०८ - गंगाधर बाळकृष्ण तथा ‘गं. बा.‘ सरदार – विचारवंत व साहित्यिक, पुरोगामी चळवळीचे भाष्यकार

१९०४ - लाल बहादूर शास्त्री – स्वतंत्र भारताचे तिसरे पंतप्रधान. त्यांना मरणोत्तर ’भारतरत्नं’ सन्मानाने गौरविण्यात आले होते.

 १८९१ - विनायक पांडुरंग करमरकर – शिल्पकार
१८६९ - महात्मा गांधी - भारताचे राष्ट्रपिता

१८४७ - पॉल फॉन हिन्डेनबर्ग – जर्मनीचे दुसरे राष्ट्राध्यक्ष

९७१ - गझनीचा महमूद


मृत्यू :

१९८५ - रॉक हडसन – अमेरिकन अभिनेता

१९७५ - के. कामराज – स्वातंत्र्यसैनिक, खासदार व तामिळनाडुचे मुख्यमंत्री

१९२७ - स्वांते अर्हे निअस – स्वीडीश भौतिक व रसायनशास्त्रज्ञ

१९०६ - राजा रविवर्मा – चित्रकार