४ ऑक्टोबर

घटना:

१९८३ - नेवाडामधील ब्लॅक रॉक डेझर्ट येथे रिचर्ड नोबल याने आपली थ्रस्ट - २ ही गाडी ताशी १०१९ किमी वेगाने चालवून विश्वविक्रम प्रस्थापित केला.

१९५७ - सोविएत रशियाने ’स्पुटनिक-१’ हा पहिला कृत्रिम उपग्रह अंतराळात सोडून अंतराळयुगाचा प्रारंभ केला.

१९५९ - सोविएत रशियाच्या ’ल्युनिक-३’ या अंतराळयानाने चंद्राला प्रदक्षिणा घालून चंद्राच्या पृथ्वीवरुन न दिसणार्या  भागाची छायाचित्रे घेतली.

१९४३ - दुसरे महायुद्ध - अमेरिकेने सॉलोमन बेटे ताब्यात घेतली.

१९४० - ’ब्रेनर पास’ येथे अॅनडॉल्फ हिटलर व बेनिटो मुसोलिनी यांची भेट झाली.

१९२७ - गस्टन बोरग्लम याने ’माऊंट रशमोअर’ चे शिल्प कोरण्यास सुरुवात केली.

१८२४ - मेक्सिकोने नवीन राज्यघटना अंगीकारली आणि ते प्रजासत्ताक बनले.


जन्म:

१९३७ - जॅकी कॉलिन्स – इंग्लिश लेखिका व अभिनेत्री

१९३५ - अरुण सरनाईक – मराठी चित्रपट व नाट्य अभिनेते, तबलावादक, गायक आणि हार्मोनियमवादक

१९२८ - ऑल्विन टॉफलर – अमेरिकन पत्रकार व लेखक

१९१६ - धनसुखलाल तुलसीदास लाकडावाला – अर्थशास्त्रज्ञ व प्राध्यापक

१९१३ - सरस्वतीबाई राणे – शास्त्रीय गायिका

१८२२ - रुदरफोर्ड हेस – अमेरिकेचे १९ वे राष्ट्राध्यक्ष


मृत्यू :

१९८९ - ’संगीतभूषण’ पं. राम मराठे – संगीतकार, गायक व नट

१९८२ - सोपानदेव चौधरी – कवी, कवयित्री बहिणाबाई चौधरी यांचे पुत्र.

१९६६ - अनंत अंतरकर – 'हंस', 'मोहिनी', 'नवल' आणि 'सत्यकथा' या मासिकांचे संपादक

 १९४७ - मॅक्स प्लँक – नोबेल पारितोषिक विजेते जर्मन भौतिक शास्त्रज्ञ

 १९२१ - ’संगीतसूर्य’ केशवराव भोसले – ’संगीत सौभद्र’ मधील धैर्यधराच्या भूमिकेत गाजलेले गायक अभिनेते.

 १८४७ - राजे प्रतापसिंह भोसले - छत्रपती शाहू (दुसरे) यांचे ते थोरले चिरंजीव होत.

 १६६९ - रेंब्राँ – डच चित्रकार