५ फेब्रुवारी

घटना-

२००४ - ’पुण्याची’ स्वाती घाटे बुद्धिबळातील वूमन ग्रँडमास्टर झाली.

२००३ - भारताने २००२ मध्ये सोडलेल्या पीएसएलव्ही सी-४ या हवामानविषयक उपग्रहाला अंतराळवीर कल्पना चावला यांचे नाव देण्यात आल्याची पंतप्रधान अटलबिहारी वाजपेयी यांची घोषणा.

१९६२ - फ्रान्सचे राष्ट्राध्यक्ष चार्ल्स डी गॉल यांनी अल्जेरियाला स्वातंत्र्य द्यावे असे आवाहन केले.

१९५८ - ७,६०० पौंडाचा एक हायड्रोजन बॉम्ब अमेरिकेच्या वायुसेनेने टायबी बेटांजवळ हरवला. हा बॉम्ब अमेरिकेने कायमचे हरवलेल्या चार आण्विक हत्यारांपैकी एक आहे.

१९५२ - स्वतंत्र भारतात प्रथमच सार्वत्रिक निवडणुका झाल्या.

१९४८ - गांधी वधानंतर स्वातंत्र्यवीर सावरकर यांना सुरक्षा-निर्बंधान्वये अटक झाली.

१९४५ - दुसरे महायुद्ध – जनरल डग्लस मॅकआर्थर मनिला येथे परतले.

१९२२ - रीडर्स डायजेस्टचा पहिला अंक प्रसिद्ध झाला.

१९१९ - चार्ली चॅप्लिनने इतर तीन जणांबरोबर युनायटेड आर्टिस्ट्स कंपनीची स्थापना केली.

१७६६ - माधवराव पेशवे आणि हैदराबदचा निजाम यांची कुरुमखेड येथे भेट

१६७० - सिंहगड ताब्यात मिळवण्यासाठी नरवीर तानाजी मालुसरे यांनी प्राणाची आहुती दिली.

१२९४ - अल्लाउद्दीन खिलजीने देवगिरी किल्ला सर केला आणि देवगिरीच्या यादव साम्राज्याचा अस्त झाला.

जन्म-

१९७६ - अभिषेक बच्चन – अभिनेता

१९३६ - बाबा महाराज सातारकर – कीर्तनकार

१९३३ - गिरीजा कीर – लेखिका आणि कथाकथनकार

१९१४ - शंकर गोपाळ तथा शं. गो. तुळपुळे – प्राचीन मराठी भाषेचे व्यासंगी, संत वाङ्‌मयाचे अभ्यासक व संशोधक

१९०५ - अच्युतराव पटवर्धन – स्वातंत्र्यसैनिक, विचारवंत, तत्त्वचिंतक व सामाजिक कार्यकर्ते

१८४० - जॉन बॉईड डनलॉप – स्कॉटिश संशोधक

मृत्यू-

२०१० - सुजित कुमार – चित्रपट अभिनेता व निर्माता

२००८ - महर्षी महेश योगी – योग गुरू

२००३ - गणेश गद्रे – ज्येष्ठ गांधीवादी विचारवंत

२००० - कालिंदी केसकर – गायिका 

१९२७ - हजरत इनायत खाँ – हिन्दुस्थानी शास्त्रीय गायक

१९२० - विष्णू नरसिंह जोग - आळंदी येथील वारकरी शिक्षणसंस्थेचे संस्थापक, कीर्तनकार, प्रवचनकार आणि लेखक