१ जानेवारी

घटना :-

२००० - ई कॉमर्स, ई मेल, इंटरनेट अशा इलेक्ट्रॉनिक सेवांमध्ये वापरण्यासाठी ग्रिनीच इलेक्ट्रॉनिक टाइम या आंतरराष्ट्रीय प्रमाणवेळेची सुरुवात झाली.

 

१९३२ - डॉ. ना. भि. परूळेकर यांनी 'सकाळ' वृत्तपत्र हे सुरू केले.

 

१९१९ - गव्हर्नमेंट ऑफ इंडिया अ‍ॅक्ट अमलात आला व देशात कायदेमंडळे स्थापन झाली.

 

१९०८ - ’संगीतसूर्य’ केशवराव भोसले यांनी हुबळी येथे ’ललित कलादर्श’ ही नाटक कंपनी स्वबळावर स्थापन केली.

 

१९०० - स्वातंत्र्यवीर सावरकर यांनी मित्रमेळ्याची स्थापना केली.

 

१८९९ - क्यूबामधील स्पेनची राजवट संपुष्टात आली.

 

१८८३ - पुणे येथे नूतन मराठी विद्यालयाची स्थापना

 

१८८० - विष्णूशास्त्री चिपळूणकर, लोकमान्य टिळक, गो. ग. आगरकर आणि माधवराव नामजोशी यांनी पुणे येथे ’न्यू इंग्लिश स्कूल’ची स्थापना केली.

 

१८६२ - इंडियन पीनल कोड अस्तित्वात आले.

 

१८४८ - महात्मा फुले यांनी पुणे येथे पहिली मुलींची शाळा सुरू केली.

 

१८४२ - बाबा पद्मनजी यांचे ’ज्ञानोदय’ वृत्तपत्र सुरू झाले. नव्वद वर्षांनंतर याच दिवशी डॉ. ना. भि. परूळेकर यांनी 'सकाळ' वृत्तपत्र हे सुरू केले.

 

१८०८ - यू. एस. ए. मध्ये गुलामांच्या आयातीस बंदी घालण्यात आली.

 

१७५६ - निकोबार बेटे डेन्मार्कच्या ताब्यात गेली आणि त्यांना ’न्यू डेन्मार्क’ असे नाव देण्यात आले.

 

जन्म :-

१९५१ - नाना पाटेकर – अभिनेता

१९५० - दीपा मेहता – भारतीय वंशाच्या कॅनेडियन दिग्दर्शिका आणि पटकथालेखिका

१९४३ - रघुनाथ माशेलकर – शास्त्रज्ञ, वैज्ञानिक

१९४१ - गोवर्धन असरानी ऊर्फ ’असरानी’ – चित्रपट कलाकार

१९३६ - राजा राजवाडे – साहित्यिक

१९२८ - डॉ. मधुकर आष्टीकर – लेखक

१९२३ - उमा देवी खत्री उर्फ ’टुन टुन’ – अभिनेत्री व गायिका

१९१८ - शांताबाई दाणी – ज्येष्ठ सामाजिक कार्यकर्त्या

१९०२ - कमलाकांत वामन केळकर – भारतातील भूविज्ञान - वैज्ञानिक

१९०० - श्रीकृष्ण नारायण रातंजनकर – गायक, शास्त्रीय संगीताचे गाढे अभ्यासक

१८९४ - सत्येंद्रनाथ बोस – भारतीय भौतिकशास्त्रज्ञ

१८९२ - महादेव देसाई – स्वातंत्र्य लढ्यातील नेते आणि महात्मा गांधींचे स्वीय सहाय्यक

१८७९ - इ. एम. फोर्स्टर – ब्रिटिश साहित्यिक

१६६२ - बाळाजी विश्वनाथ भट - पहिला पेशवा


मृत्यू  :-


२००९ - रामाश्रेय झा – संगीतकार, वादक व शास्त्रीय संगीत विद्वान

१९८९ - दिनकर साक्रीकर – समाजवादी विचारवंत व पत्रकार

१९७५ - शंकरराव वासुदेव किर्लोस्कर – उद्योजक, साहित्यिक व चित्रकार

१९५५ - डॉ. शांतिस्वरुप भटनागर – वैज्ञानिक

१९४४ - सर एडविन लुटेन्स – दिल्लीचे नगररचनाकार

१८९४ - हेन्‍रिच हर्ट्‌झ – जर्मन भौतिकशास्त्रज्ञ 

१७४८ - योहान बर्नोली – स्विस गणितज्ञ

१५१५ - लुई (बारावा) – फ्रान्सचा राजा