५ जानेवारी

घटना :-

२००४ - ’संभाजी ब्रिगेड’ या जातीयवादी संघटनेने केलेल्या समाजकंटकांच्या हल्ल्यात भांडारकर ओरिएंटल रिसर्च इन्स्टिट्युटचे अतोनात नुकसान. अनेक अमोल व दुर्मिळ ग्रंथ फाडले.

१९९८ - ज्येष्ठ जर्मन समाजशास्त्रज्ञ गेरहार्ड फिशर यांना कुष्ठरोग आणि पोलिओ नियंत्रणाच्या क्षेत्रात भारतात केलेल्या कार्याबद्दल राष्ट्रपतींच्या हस्ते ’महात्मा गांधी शांतता पुरस्कार’ प्रदान करण्यात आला.

१९९७ - रशियाने चेचेन्यातुन सैन्य मागे घेण्यास सुरूवात केली.

१९७४ - अंटार्क्टिकामधील सर्वोच्च  तापमानाची (१५º सेल्सिअस) नोंद

१९५७ - विक्रीकर कायदा सुरू झाला.

१९४९ - पुणे यथे राष्ट्रीय संरक्षण प्रबोधिनी (NDA) सुरू झाली.

१९४८ - ’रोझ बाऊल फुटबॉल’ स्पर्धेचा जगातील पहिला रंगीत माहितीपट (News Reel) ’वॉर्नर ब्रदर्स’ तर्फे जगांतील चित्रपटगृहांत प्रदर्शित करण्यात आला.

१९३३ - सॅन फ्रान्सिस्को येथील गोल्डन गेट ब्रिजच्या बांधकामाला सुरूवात झाली.

१९१९ - द जर्मन वर्कर्स पार्टीची स्थापना. या पार्टीचे पुढे नाझी पार्टीत रुपांतर झाले.

१६७१ - मराठ्यांनी मुघलांबरोबर साल्हेरची लढाई जिंकली.

१६६४ - छत्रपती शिवाजी महाराज सुरतेच्या सीमेवर पोहोचले. त्यांनी सुरतेचा सुभेदार इनायत खान याला खंडणी देण्यासाठी निरोप पाठविला.

जन्म :-

१९८६ - दीपिका पदुकोण – कन्नड, हिन्दी आणि तामिळ चित्रपट कलाकार

१९५५ - ममता बॅनर्जी – केंद्रीय मंत्री, पश्चिम बंगालच्या पहिल्याच महिला मुख्यमंत्री

१९४८ - फैय्याज – अभिनेत्री व गायिका

१९४८ - पार्थसारथी शर्मा – क्रिकेटपटू

१९४१ - मन्सूर अली खान पतौडी – भारतीय क्रिकेट कप्तान

१९२८ - झुल्फिकार अली भुट्टो – पाकिस्तानचे चौथे राष्ट्राध्यक्ष आणि ९ वे पंतप्रधान

१९२२ - मोहम्मद उमर ’मुक्री’ – विनोदी कलाकार व चरित्र अभिनेते

१९०९ - श्रीपाद नारायण पेंडसे – मराठी कथालेखक व कादंबरीकार

१८९२ - कृष्णाजी पांडुरंग कुलकर्णी – लेखक व मराठी भाषातज्ञ

१८५५ - किंग कँप जिलेट – अमेरिकन संशोधक व उद्योजक

१५९२  - शहाजहान – ५ वा मुघल सम्राट

मृत्यू  :-

२००३ - गोपालदास पानसे – पखवाजवादक  

१९९२ - दत्तात्रय गणेश गोडसे – इतिहासकार, नाटककार, कलादिग्दर्शक, वेशभूषाकार आणि नेपथ्यकार

१९९० - रमेश बहल – चित्रपट निर्माते व दिग्दर्शक  

१९८२ - सी. रामचंद्र – संगीतकार

१९४३ - जॉर्ज वॉशिंग्टन कार्व्हर – अमेरिकन वनस्पतीतज्ञ, शिक्षणतज्ञ, संशोधक आणि शास्त्रज्ञ

१९३३ - काल्व्हिन कूलिज – अमेरिकेचे ३० वे राष्ट्राध्यक्ष